Преподобный Зосима (Верховский) (24 марта 1768 – 24 октября 1833)
Дни памяти: 10(23) июня (Собор Сибирских святых), 24 октября (6 ноября)
Тропарь преподобному Зосиме (Верховскому), глас 8
Отеческаго учения ревнителю, / Сибирския пустыни всекрасное прозябение, / деяния и созерцания бодренный подвижниче, безмолвия рачителю и обители невест Христовых устроителю, / сосуде Духа, Зосимо преподобне, // моли Христа Бога, да просветит души наша.
Кондак преподобному Зосиме (Верховскому), глас 4
Первее в Сибирстей стране / инокиням пустынную обитель возградил еси, / оттуду же неправедне изгоняемь, / на Промысл Божий упование возложил еси, / имже паче ума огражден, / яко неврежден, путьшествие творя, / Богоматерию Одигитриею управляемь, / Московских пределов достигл еси, / и зде паки руководство обителию восприим, / Богособранную паству твою добре упасл еси, / нам же образ жития твоего / и медоточная учения оставил еси, / преподобне Зосимо, / моли Христа Бога // сохранитися от всякия скверны душам нашим.